Gujarati Poetry

સાવ પાતળું ઓછી જગ્યા

સાવ પાતળું ઓછી જગ્યા રોકતું
એક પુસ્તક,
મેં વાંચવા માટે
અલમારી માંથી બહાર કાઢયું.
શરૂઆત તો સારી રહી
વાંચતી રહી, સમજતી રહી.
કેટલોય સમય વીતી ગયો
કોણ જાણે આ પુસ્તકનો
અંત નજરે પડતો નહોતો.
હવે એ પૂરું સમજાતું પણ નહોતું.

છેવટે જરા થંભી, મુખપૃષ્ઠ વાંચ્યું
“મન”
હવે સમજાયું, ક્યાંથી સમજાય!
આતો સહુથી અઘરું પુસ્તક.

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.