Gazal Gujarati

યાદ અમારી આવે તો

યાદ અમારી આવે તો, જરા સાચવીને રાખજો,
એ કામમાં બહુ આવશે, એને જાળવીને રાખજો.

વધઘટ થતી લાગણીઓમાં આટલો સથવારો છે,
ઉભરાય આંખમાં આંસુ, જગ્યા વહેવાને રાખજો.

સુખના હશે દિવસો, ત્યારે સ્મરણોમાં મહેકશું.
દુઃખમાં દેશે શાતા, નામ ને દવા માનીને રાખજો.

ખાલી મન ભરાઈ જશે, મન ઉદ્વેગે તપેલું ઠરશે,
ફૂલો સરીખી સુગંધ, જતનથી બાંધીને રાખજો.

ખોળો નહિ, હથેળી નહિ, પણ ખભો જરૂર દઈશું
નામ વિનાનાં સબંધને, દોસ્તી જાણીને રાખજો.

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.