Gazal Gujarati

મૌસમ વિના

મૌસમ વિના અમને વરસવા દેજો
ઝાકળનું જળ થઈને ઝરાઈ જાશું

સ્મરણમાં રાખી જરા જરા સાચવજો
ઉષ્માભર્યા દસ્તાવેત અમે દઈ જાશું

થોડી લાગણી પણ અહી ગનીમત છે
થોડામાં ઘણું માની ઝોળી ભરાઈ જાશું.

શરમને તો લજામણી પણ સાચવે છે
ખોટું કર્યાના ભાર હેઠળ શરમાઈ જાશું.

મુજ પર સમય જો મહેરબાની કરે તો
અહેસાન બધાના ચૂકવી વહી જાશું

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.