Gazal Gujarati

પ્રેમ સમંદર તરવા

પ્રેમ સમંદર તરવા નીકળ્યા, ભંવરમાં ફસી ગયા
લંબાવ્યો હાથ અમે, તમે જઈ કિનારે વસી ગયા.

જીવનના ઝંઝાવાતને પણ હસતાં પાર કરી ગયા
દુઃખમાં બંધાએલ જોઈ અમને દુરથી હસી ગયા.

ના નડે અમાસ તમને, જલાવ્યા સપનાં રાતભર,
મળતા સુરજની રોશની, રાખ ફેલાવી ખસી ગયા.

સળવળતી ઇચ્છાઓ કઈ જનમોની તરસી હતી,
સ્મિતનું ઝાકળ માંગતા, મૃગજળ થઇ વરસી ગયા.

જુલમની સઘળી વેદનાઓ ભેટ સમજી સહી ગયા.
એ અંતમાં સમજાયું, લો કણકમાં ઊંડે ધસી ગયા.

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.