Siddiq-Bharuchi-poetry-gazals-gujarati litrature
Gazal Gujarati

વર્ગમાં એટલું ભણાવ મને

વર્ગમાં એટલું ભણાવ મને,
એક માંણસ હવે બનાવ મને.

બોટલો તો અનેક પીધી છે,
બસ,હવે તો ગઝલ સુણાવ મને.

ઈશ્ક ભરપૂર, તો જ દેખાશે,
રોજ રૂઠું પછી મનાવ મને.

આજ કાસદની કૉણ રાહ જુએ?
મોબાઈલ પર બધુ જણાવ મને.

હું છું હિંદુ ને હું જ મુસ્લિમ છું ,
હું જ વાગુ છું, તો બજાવ મને.

કાલ પસ્તાશે, હાથ આવીશ નહિ,
સેલ્ફી લઈ ને ઘર સજાવ મને.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.