Siddiq-Bharuchi-poetry-gazals-gujarati litrature
Gazal Gujarati

મજેદાર વાતોથી મહેફિલ

મજેદાર વાતોથી મહેફિલ સજાઓ,
તમારી કમી છે, હવે તો પધારો.

સફળ જો થવું છે, સદા જૂઠ બોલો,
જમાનો કહે : એમ જીવન બનાવો.

નહીં હાથ લાગે, કદી ચાંદ સૂરજ,
તમે આમ નાહક સમય ના બગાડો.

મળે ભાળ સાચી, ઘટે કોઇ ઘટના,
સફરમાં હવે સાથે ‘ આધાર’ રાખો.

વતનની આ માટી છે તનમાં સલામત,
મહોબ્બત નિરખવું છે? લોહી તપાસો.

જનમ્યા, વસાવ્યું, મળ્યા આપણે સૌ,
હવે દોસ્ત! કાંધેથી કાંધે જવાદો.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.