Siddiq-Bharuchi-poetry-gazals-gujarati litrature
Gazal Gujarati

અમારા શહેરના

અમારા શ્હેરના જીવડા પરિવર્તન નથી કરતા,
ઘરેઘર એક નેતા છે,છતાં ચિંતન નથી. કરતા.

ઘણા મોઘા ખરીદીને મોબાઈલની ગુલામીમા,
હવે માં-બાપને આ તારલા વંદન નથી કરતા.

ઉભા છે રાહની બન્ને દિશામાં પૂર્વજો જેવા,
થપાટો ખાઈ, ખોટું કોઈ ‘દિ વર્તન નથી કરતા.

અભીમાની ચડી જાશે નશો એ કારણે પૂષ્પો,
ગઝલ ચાખીને, મોઢા પર અભિવાદન નથી કરતા.

ખરીદે છે , રવિવારે ખુશી, મસ્તી, મજા આનંદ,
સુંવાળા ચાંદ,તારા દિલ જરા ચંદન નથી કરતા.

~ સિદ્દીક ભરૂચી.

Leave a Reply

This site uses Akismet to reduce spam. Learn how your comment data is processed.