Siddiq-Bharuchi-poetry-gazals-gujarati litrature
Gazal Gujarati

પગ તળે જો જે ધરા સરકે

પગ તળે જો જે ધરા સરકે નહીં,
કોઈ મુશ્કેલી કહી આવે નહીં.

ભિંત, સરહદ, વાડ, ઝાંપો, બારણાં,
આ નગર પાડોશને જાણે નહીં.

પ્હાડ ખસતો જાય એ માની શકાય,
એક જીદ્દી દિલ છે કૈ’ સમજે નહીં.

આજ પૂનમ છે, તો માંણો રોશની,
કાલ આ મહેમાન દેખાશે નહીં.

શાંતિથી વાંચશે તો પામશે,
આ ગઝલ છે એમ સમજાશે નહીં.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.