Siddiq-Bharuchi-poetry-gazals-gujarati litrature
Gazal Gujarati

શોધશે પણ તને નહિં જડીએં

શોધશે પણ તને નહિં જડીએં,
કાલ કો ‘ દાસ્તાન થઇ જઇએં.

પૂર્વજોની બબાલ જોઈને,
બાળકો ક્હે, કે આ રમત રમીએં.

ફૂલના છોડ ઘરમાં રોપીને,
ક્યાં વિચાર્યું મહેકતા રહીએં.

મારી ગઝલો કમેંટ ના કરનાર,
કેમ ‘ લાઇક’ તને,અમે કરીએં?

સૌ વફાદાર છે છતાં અહિયાં,
આપણે કોને બેવફા કહીએં?

ચીસ, ઘોંઘાટ, હોર્ન, કિડિયારૂં,
બોલ તારા નગરમાં ક્યાં રહીએ?

કાલનો ઇન્તેજાર કોણ કરે?
હારીએં જીતીએં ગજા ભરીએં.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.