Mittal-khetani-poetry-gazals-gujarati litrature
Gazal Gujarati

દાનથી મળેલ કન્યા

પિતાનું નામ ત્યજીને તમારું નામ લગાવે છે
પિયર છોડી એ અજાણ્યું ધામ અપનાવે છે

પોંખજો દિલથી એ વધૂ,પત્ની કે ભાભીને
પોતાનું ઘર મૂકી પોતાનું તમામ બદલાવે છે

કુદરતની મુક્ત વનરાજી બુકેમાં ગોઠવાય છે
બહેનપણી ભૂલી એ ક્યાંક ગામ બદલાવે છે

તમે સૌ તો રહો છો એના એ જ ને હંમેશા
તમારી થવાં એ જિંદગી સરિયામ બદલાવે છે

ગૃહલક્ષ્મી છે રુમઝુમ કરતી આવે છે આંગણે
ઓળખ ઓગાળી એ વંશનું કામ દીપાવે છે

જો આપો આંસુ તો આપજો માત્ર હર્ષનાં જ
દાનથી મળેલ કન્યા જ તમને રામ મળાવે છે

~ મિત્તલ ખેતાણી

Leave a Reply

This site uses Akismet to reduce spam. Learn how your comment data is processed.