Gazal Gujarati

કોણ આવી અહી જાળ છુપી

કોણ આવી અહી જાળ છુપી રખાવી ગયું
સાવ ભોળા કબૂતરના પગને ફસાવી ગયું

પાંખ સાબૂત એની છતાં ઊડવાનું ગયું
આભમાં ઊડતા જીવને આ રડાવી ગયું

જે ફસાવે છે તેનીજ પાસે મળે ના મદદ
મારનારો ઉગારે નહિ આ જણાવી ગયું.

જાતને છોડવાની મથામણ પછી હાર થઇ
આજ જીવન છે એવું સત્ય જે હરાવી ગયું

આંખમાં છેવટે એક આશા હજી પણ રહી
જો બળીયો હશે સાથ સમજો છોડાવી ગયું

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.