Siddiq-Bharuchi-poetry-gazals-gujarati litrature
Gazal Gujarati

ખરીદારોને થઇ છે હિચકીચાહટ

ખરીદારોને થઇ છે હિચકીચાહટ,
દુકાનો બંધ થઈ શાને ફટાફટ?

પવન સામે ઘણા દિવા થયા’તા,
કરી આંધીએ આવીને પતાવટ.

જખમ, આંસુ, ગમો, પીડા, સવાલો,
નગરના ભાગ્યમાં છે આ લખાવટ.

પવન આવે અધિકારી બનીને,
ખુલે છે બારી, દરવાજા સટાસટ.

ઊભી બપ્પોર છે, શેકાતી ધરતી,
ને ફૂલોના મુખો પર ખિલખિલાહટ.

જરા શું આવ્યો તારી ગલીમાં,
ઘરેઘર, આંગણે થઇ બડબડાહટ.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.