Geet Gujarati

વરસાદી કન્યા

ઝરમર ઝરતાં જળનાં ફોરાં
શિશથી ઉતરી
ઉરમાં સરકી
સરસર કરતાં નાભિ ચૂમે
અંગ અંગ રોમાંચે ઝૂમે
રતિવર રગરગમાં ઘૂમે

રોમેરોમ સરકતા મીઠાં
પંચસરનાં બાણ અદિઠાં

જયાં દીઠી વર્ષામાં ન્હાતી
દિલ સોંસરવી ઉતરી જાતી
ખળખળ જળમાં ભળતી ઠરતી નટખટ એવી ધન્યા
સાંગોપાંગ ને અંતર ભીંજવી હૈયું હણતી વરસાદી કન્યા….

મલમલ કાયા
લાગે છાયા
નેહ ટપકતું સૌષ્ઠવ જેનું
એવી એ કુદરતની માયા

શીત પવનની લ્હેરે ઉડતો
સાડી પાલવ ઢળતો પડતો
સંભાળતી ને નમતી ત્યાં તો
ઉરભાર ઉરુ થઈને ઢળતો

ત્યારે નિતંબનાં રસ રમણા
જાણે ખુલ્લી આંખે સમણાં

જયાં દીઠી વર્ષામાં ન્હાતી
દિલ સોંસરવી ઉતરી જાતી
ખળખળ જળમાં ભળતી ઠરતી નટખટ એવી ધન્યા
સાંગોપાંગ ને અંતર ભીંજવી હૈયું હણતી વરસાદી કન્યા….

કંચન વરણી
ચલતી હરણી
નટખટ ને રૂપાળી મેના
ઉતરી જાણે આજે ધરણી

જયાં દીઠી વર્ષામાં ન્હાતી
દિલ સોંસરવી ઉતરી જાતી
ખળખળ જળમાં ભળતી ઠરતી નટખટ એવી ધન્યા
સાંગોપાંગ ને અંતર ભીંજવી હૈયું હણતી વરસાદી કન્યા….

– ભાવિન દેસાઈ ‘અકલ્પિત’

Leave a Reply

This site uses Akismet to reduce spam. Learn how your comment data is processed.