Siddiq-Bharuchi-poetry-gazals-gujarati litrature
Gazal Gujarati

ઈબાદત કરવાવાળા  છે

ઈબાદત કરવાવાળા છે અહીં સૌ,
મહોબ્બત કરવાવાળા છે અહીં સૌ.

રહે છે ખુબ નાના દિલ, પણ મોટી,
સખાવત કરવાવાળા છે અહીં સૌ.

મને મંત્રી બનાવીને અમારી,
શિકાયત કરવાવાળા છે અહીં સૌ.

સમજદારોની સાથે નાસમજ પણ,
હિમાયત કરવાવાળા છે અહી સૌ.

અલગ બે, ચારને લઈને ખુણામાં,
અદાલત કરવાવાળા છે અહીં સૌ.

કરૂં કેવા પ્રણય પર હુંય શ્રદ્ધા?
બગાવત કરવાવાળા છે અહીં સૌ.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.