Siddiq-Bharuchi-poetry-gazals-gujarati litrature
Gazal Gujarati

ગીત એવા ગા

ગીત એવા ગા જમાના શાંભળે,
કાન દઇને પણ સિતારા શાંભળે.

મેઘની મોટી મહેરબાની થતાં,
ભય સપાટી રોજ જનતા શાંભળે.

આ સમય છે ભીંત, બારી, બારણાં,
રાજીપો નહિં દુ:ખ તમારા શાંભળે.

આ નવાં સ્ટેચ્યૂ સમા છે દોસ્તો,
લાભ જોઈને ઇશારા શાંભળે.

પ્રજ્ઞાચક્ષુ લોક ચૂંટેલા અમે?
શું હવે કર્ણો વિનાના શાંભળે.

આંખ આડા કાન કરનારા જુઓ,
લાખ્ખો તમને દીવાના શાંભળે.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.