Siddiq-Bharuchi-poetry-gazals-gujarati litrature
Gazal Gujarati

ચમનમાં હવે પાનખર થઈ ગઈ

ચમનમાં હવે પાનખર થઈ ગઈ,
આ મોસમ ‘તમારા’ વગર થઈ ગઈ.

રહે છે છુપું, ક્યાં કશું રાતમાં?
અમારા મિલનની ખબર થઈ ગઈ.

નથી કોઈ શ્રધ્ધા હવે દીપમાં,
મહોબ્બતની આંખો હુનર થઈ ગઈ.

વતન પર કયા કારણે , દોસ્તો,
પડોશીની મેલી નજર થઈ ગઈ?

કદમના દુ:ખોની જો ,ફરિયાદ છે,
સમજવું કે ટૂંકી સફર થઈ ગઈ.

પરસ્પર બે હસ્તાક્ષર શું થયા!
તો આ દોસ્તી ઉમ્રભર થઇ ગઈ!

ધરા પર રહીના શકે, એ કહે:
અમારી જગ્યા ચાંદ પર થઇ ગઇ.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.