Siddiq-Bharuchi-poetry-gazals-gujarati litrature
Gazal Gujarati

આઈના

આઈના ફૂટી ગયા છે ને અસર બદનામ છે,
છાંયડા ઘનઘોર છે પણ આ શજર બદનામ છે.

ફૂલ જેવા મ્હેકતા આ ઈશ્કના રસ્તા નથી,
બદ ઇરાદા,બેવફાઇથી ડગર બદનામ છે.

હું કદમ મૂકીશ તો આ શ્હેરની ઈઝઝત થશે,
સ્વાર્થી રોનકની ખુશ્બોથી નગર બદનામ છે.

કૈ’ક મસલતથી અવાજોને કોઈ દાબી ગયું,
સત્યની આ જાત આજે રીતસર બદનામ છે,

છે વષંતો શહેરમાં ને બેવકૂફોના મુખે,
પાનખર આવી નથી ત્યાં પાનખર બદનામ છે.

સો મુખે સો વાત નીકળે છે હવે આ ઓટલે,
એક રાણી એક રાજાના વગર બદનામ છે.

એ અડગ સચ્ચાઈને પડખે રહે છે એટલે,
ભાવ ફળીયાનુ નથી ‘ સિદ્દીક ‘જે ઘર બદનામ છે.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.