Gazal Gujarati

હૈયે ને હોઠે રાવ છે એ કાયમી નથી

હૈયે ને હોઠે રાવ છે એ કાયમી નથી.
સંજોગવશ સ્વભાવ છે એ કાયમી નથી.

સોળે કળાએ છે, છતાં ચિંતા ન એની કર,
આ ભાવ ને અભાવ છે એ કાયમી નથી.

ડાળીને ફાલવાનું તો કારણ મળી ગયું,
કે, પાનખરનો દાવ છે એ કાયમી નથી.

ખીલે-ખરે સમયના તકાજાના કારણે,
આ મોસમી તનાવ છે એ કાયમી નથી.

હળવાશને મેં નોતરી એવું કહી ને કે,
પીડાની આવજાવ છે એ કાયમી નથી.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.