Gazal Gujarati

બેફિકર થઈ વાત સૌ અંગત કરી

બેફિકર થઈ વાત સૌ અંગત કરી !
ક્યાં અમસ્તી ભીંત થી સંગત કરી !

ઓગળ્યા છે ભ્રમ અમાસી આખરે,
વાટ સમજણની મેં જ્યાં ઉન્નત કરી !

કલ્પના કાળી પડી ગઈ જોઈને,
એ હકીકત પી ને મેં ગમ્મત કરી !

સાચવી લેશે સમયને સંપ થી,
દર્દ-પીડાએ જુદી પંગત કરી !

ખીણના ખોળામાં પડખાં ફેરવી,
શાંત પડઘા થઈ ગયા રંગત કરી !

બેઉ હાથે વ્હેંચવા આ શબ્દ ની,
ચાર હાથે એકઠી સંપત કરી !

એક ગમતી સાંજને બપ્પોર થી –
ઘર મહીં મેં આવવા સંમત કરી !

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.