Gazal Gujarati

પ્રશ્ન અથવા જવાબ હોઈ શકે

પ્રશ્ન અથવા જવાબ હોઈ શકે.
આ સમય લાજવાબ હોઈ શકે.

હાથ હો ખાલી, ભીતરે જો જે,
મૂડી ત્યાં બે-હિસાબ હોઈ શકે.

આંખ ભીની ને હોઠ હસતા હો,
ખાલીપાનો રૂઆબ હોઈ શકે.

હોવાનો અર્થ એમ જોયો મેં,
ઓસ પણ આફતાબ હોઈ શકે.

આજની આ ક્ષણો, હકીકતમાં-
કાલે જોયેલા ખ્વાબ હોઈ શકે.

વાંચે છે આ હવા સતત જેને,
પાંદડા પણ કિતાબ હોઈ શકે.

આ ગઝલ. . જિંદગીએ આપેલો,
ખૂબસૂરત ખિતાબ હોઈ શકે.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.