Gazal Gujarati

નામ ના સુમિરણને પણ

નામ ના સુમિરણ ને પણ તું સવાયું ગણ
મણ નહીં તો કણ ને પણ તું સવાયું ગણ

હોય તારા હાથમાં, સાત દરિયા પી,
હોય ના તો રણ ને પણ તું સવાયું ગણ

દે દિલાસો પાનખર, ને વસંતો લે,
એ જુદા સગપણ ને પણ તું સવાયું ગણ

જ્યાં વળાંકો શબ્દના છેતરે છે ત્યાં,
મૌનના તારણ ને પણ તું સવાયું ગણ

આ ગઝલ જેના થકી છે સવાયી એ,
દર્દના કારણ ને પણ તું સવાયું ગણ

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.