Gazal Gujarati

નથી ફર્ક રાખ્યો મેં મારી દુઆમાં

નથી ફર્ક રાખ્યો મેં મારી દુઆમાં.
તમસ-તેજની છે એ સંભાવનામાં.

વધારે શું માંગુ તમારી કને હું ?
તમે સાથ આપ્યો મને હું થવામાં.

આ વૃક્ષોની લીલી અસર એવી થઇ કે,
હું યે વિસ્તરું છું મળેલી જગામાં.

ઉદાસીનો એથી પડ્યો રંગ ફિક્કો,
હતું ધ્યાન મારું દશે દશ દિશામાં.

પ્રભાવિત છે પીડા યે આ વાતથી કે,
રહું છું મજામાં, બધી યે દશામાં.

અનાયાસે ગમતું ઘટી જાય અહિંયા,
જે ચાહ્યું, પમાયું પરત થઇ જવામાં.

એ પાડે, ઉપાડે અને સાચવી લે,
હશે આગવું બળ બધી આપદામાં.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.