Gazal Gujarati

ધ્યાનમાં કૈં રાખવાનું હોય નહિં

ધ્યાનમાં કૈં રાખવાનું હોય નહિં !
ધ્યાનથી બસ, ચૂકવાનું હોય નહિં !

મોણ નાંખી ચાખવાનું હોય નહિં,
સ્વપ્નને શણગારવાનું હોય નહિં !

તર્ક હાવી થાય જ્યાં તથ્યો ઉપર,
ત્યાં પછી કાજી થવાનું હોય નહિં !

હાથતાળી આપી ને બોલ્યો સમય. .
કોઈની પાછળ જવાનું હોય નહિં !

પાઠ ઝરણાં એ સહજ આ શીખવ્યો,
મન મુજબ મન વાળવાનું હોય નહિં !

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.