Gazal Gujarati

ઝંખનાઓ જીંદગીમાં ચોકકસ

ઝંખનાઓ જીંદગીમાં ચોકકસ ઘણી ફળી નહિ
અફસોસ એજ રહ્યો કે જે માંગી પળ મળી નહિ

મોંધી જણસ સમજીને જીવનભર સાચવી રાખી
શોઘવા બેઠી જ્યારે તે કશે ફરી મને જડી નહિ

સવાર થી સાંજ સુધીની બધી પળો ફંફોસી જોઈ
ક્યાંક જઈ છુપાઈ હશે,એ ક્યાંય ગણગણી નહિ

વર્ષો વીતી ગયા, પડેલ ઘાવ હજુય લીલાછમ છે
યાદોથી વહેરાતી કરવતે એને શુષ્કતા ચડી નહિ

ફૂલોની સુગંધે મહેકતી, જે પંખીને ટહુકે ચહેકતી
એ બધી લાગણીઓ હવે નક્કર બની, રડી નહિ

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.