Gazal Gujarati

જો માળવે જવું જ હો…

જો માળવે જવું જ હો, રસ્તા મળે ઘણાં,
ઝરણાં કદી ય ક્યાંય નથી ઊતર્યા ઊણા.

કોઈને સાંભળ્યા પછી એવું ય થાય કે-
ઝળહળ થઇ ગયા હશે એકાદ-બે ખૂણા.

આ વાયરાની વાતમાં આવ્યા છે ત્યારથી,
‘એ આવશે’ ની રાહ માં ખુલ્લા છે બારણાં.

વ્હેતા સમયની સાખે આ સાબિત થઇ ગયું,
બળકટ છે સાદગી ને અરીસા છે વામણાં.

મારી ગઝલના મૂળમાં બીજું તો હોય શું ?
મારા વિશેની હોય હકીકત કે ધારણા.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.