Gazal Gujarati

આમ અથવા ખાસ ક્યાં

આમ અથવા ખાસ ક્યાં બનવાનું છે?
પ્રેમમાં મોસમ મુજબ ફળવાનું છે.

જ્યાં જવું છે ત્યાં જવા તું જાણજે,
ક્યા વળાંકે થી પરત વળવાનું છે.

તારા હોવાનો ખુલાસો કર નહીં,
આ સમયના ચાકડે ચડવાનું છે.

થાય શું એકાંતમાં આથી વધુ ?
જાતમાં ખોવાઈને જડવાનું છે.

છોડ ચિંતા તું હવાના રૂખ વિશે,
તારા તેજે તારે ઝળહળવાનું છે.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.