Gujarati

સમય નામના શિક્ષકને સાદર વંદન

ટાણે ક ટાણે
કસોટી કરવાની
સ્વભાવગત આદતને વશ થઈ
ગઈકાલે
સમયે મારા ખાલી ખોબામાં
થોડાક સપનાં મૂક્યાં
ને,
સંજોગોએ એને મેઘધનુષી રંગો વડે રંગી દીધા!
પણ..
મારા પગ તો લડખડાવા લાગ્યા,
હું તરત જ સભાન થઈ ગઈ
ને,
પૂરેપૂરી સ્વસ્થતા સાથે
મેં એ રંગીન સપનાંને
સમયના પ્રવાહમાં વહાવી દીધા.
આજે..
વાસ્તવિકતાની ભૂમિ પર હું સ્થિર છું
અને
ખુદને પૂછી શકું છું કે,

” આ હાથમાં શું નથી ? “

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.