Gujarati

વર્ષાગીત | કેટલું બધું ઘેરાયો છે

કેટલું બધું ઘેરાયો છે,તું હવે તો કઈ વરસી જો
કહે આજ વરસુ કાલ વરસુ હવે કઈ વરસી જો
તું હવે તો કઈ વરસી જો …

થોડા ઘણા છાંટણાની બે પળ મજાને માણી જો
બસ એકવાર વરસીને મારી તરસને તું સ્પર્શી જો

ભેગા થઈને રમવાની આ રમતમાં મને પકડી જો
ઘડી આ ભિજવા ભિજાવાની બંધનમાં જકડી જો
તું હવે તો કઈ વરસી જો …

કોરી ચુનરી બહુ લહેરાય ભીની ચીપકી જાય જો
સાચવ્યા જે સઘળા ભેદ તે અહી ખુલી જાય જો

આવી આંગણ તું વરસ મારી પ્રીત રેલાઈ જાય જો
આંખમાં થી મોતી ટપકે ને કાજળ રેલાઈ જાય જો.

તું હવે તો કઈ વરસી જો …

છોડ ખોટી આનાકાની હવે રાત વીતી જાય જો.
આજ આવુ કે કાલ માં જુવાની સરતી જાય જો.
તું હવે તો કઈ વરસી જો …

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.