Gujarati

રહીને સ્થિર ફરવાનો કસબ

રહીને સ્થિર ફરવાનો કસબ શીખી ગયા
સમયના વાર ખમવાનો કસબ શીખી ગયા

હશે..હા, ડાળ સાથે લાગણી જેવું છતાં,
બધાયે પાન ખરવાનો કસબ શીખી ગયા.

ગમાને અણગમાનો ભાર હળવો થઈ ગયો,
સવાલો ખુદ્દને કરવાનો કસબ શીખી ગયા.

ગણતરી કેટલી મનમાં, મગજમાં હોય છે,
થઈને બાદ, વધવાનો કસબ શીખી ગયા.

હવે હળવાશથી લ્યો, મૌનને પણ સાંભળો,
ગઝલમાં વાત લખવાનો કસબ શીખી ગયા.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.