Gujarati

માત્ર ઝરણું થઈને મ્હાલું છું

માત્ર ઝરણું થઈને મ્હાલું છું !
મન મુજબ ક્યાં વહેણ વાળું છું ?

સૂર્ય જેવા સમયની સામે તો,
હું મને ગુલમહોર માનું છું !

જળ-કમળવત્ત થવું નથી સ્હેલું,
ના કે હા નો પ્રભાવ ખાળું છું !

મૂળ મારી તરસના ઊંડા છે,
એટલે આ પરબ હું માંડું છું !

‘હાથ ખાલી છે’ નો નથી અફસોસ,
હું હ્રદયને ભરેલું રાખું છું !

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.