Gujarati

મહોબત બદનામ છે

મહોબત બદનામ છે, મિલનની ઘડીઓ મહી
પ્રતીક્ષા સચવાઈ છે, જુદાઈની ગડીઓ મહી.

નિહાળું છું પ્રેમને, હું અહી શબ્દોના વેપારમાં,
કદીક ગઝલમાં, કદી કવિતાની કડીઓ મહી.

ના આવશે એ દિવસો હવે પાછા ફરી અહી,
સમયે છેલ્લો પડાવ ઉંમરનો, જડીઓ મહી.

કૃપા તો માનવી રહી પુરાણી એ યાદોની ઘણી,
દઈ જાતી ચમક, ઝાંખી આંખોની કણીઓ મહી.

આજ લગી એક વાત હ્રદય મહી મક્કમ રહી
થશે મિલન ક્યારેક, આભ ધરાનું સદીઓ મહી

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.