Gujarati Poet's Corner

મને ખબર છે, કે પહોંચ મારી

મને ખબર છે
કે
પહોંચ મારી બહુ ઊંચી નથી
ને
ખાસ કહી શકાય એવી નથી કોઈ ઓળખાણ
અને હા,
ડીગ્રી પણ એકે ય નથી હોં મારી પાસે..
વળી,
નામની આગળ કોઈ વિશેષણ લાગે એવા સ્થાને પણ હું નથી
પણ..તો ય હું એટલું જાણું છું કે,
મારી પાસે મારા શબ્દો છે,
અને હું સાંભળી શકું છું મારો ઝીણો અવાજ
કારણ કે..મારી પાસે મારું મૌન છે.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.