Gujarati

ભાર ખાલી ક્ષણનો કાયમ

ભાર ખાલી ક્ષણનો કાયમ હોય છે.
કાં પછી, સમજણનો કાયમ હોય છે.

ટાઢ, તડકો, ઝાંઝવા ને થોર થી,
દબદબો તો રણનો કાયમ હોય છે.

કોરું મન, તરસ્યા નયન, વ્હેતો સમય,
પ્રશ્ન બસ, આ ત્રણનો કાયમ હોય છે.

ચાસ ચહેરા પર સમય પાડે અને,
વાંક એ દર્પણનો કાયમ હોય છે.

સાવ સાચી વાત કરવી હોય પણ..
ડર સવાયા ‘પણ’ નો કાયમ હોય છે.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.