Gujarati

દે સમય પડકાર, પણ બોલે નહીં

દે સમય પડકાર, પણ બોલે નહીં !
ને, કરી લે વાર, પણ બોલે નહીં !

એક પરપોટાને બસ, જીવાડવા. .
થાય. જળ આધાર, પણ બોલે નહી !

મેઘ થઈ વરસી જવા, દરિયો લઈ લે,
બાષ્પનો આકાર, પણ બોલે નહીં !

જીવતા પર્વત થયા જેનાથી એ-
તૃણ છે કસદાર, પણ બોલે નહીં !

ઓસ ને ફૂલો, નિભાવી લે સહજ,
આગવો વ્યવહાર, પણ બોલે નહીં !

સાવ સૂકી ડાળખી પણ આપે છે,
માળાને ધબકાર, પણ બોલે નહીં !

આ ગઝલ, મારા બધા યે ભારને-
ઝીલે છે સાભાર, પણ બોલે નહીં !

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.