Gujarati

દિલ થી વધાવી લે અગર થોડી-ઘણી

દિલ થી વધાવી લે અગર થોડી-ઘણી,
તો વાત ની થાશે અસર થોડી-ઘણી.

સંભાવના મેં સોળ આના ની કરી,
ને ખીલવી છે પાનખર થોડી-ઘણી.

સાર્થક થયું પીડા નું હોવું આખરે,
એ છે તો છે મારી કદર થોડી-ઘણી.

અંતે ખુશી એ ખુશ થઈ આપ્યું વચન,
એ આવશે અવસર ઉપર થોડી-ઘણી.

મેં વાત ને વ્હેતી કરી કાગળ ઉપર,
તો પી ગઈ તરસી નજર થોડી-ઘણી.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.