Gujarati

દરિયા કિનારે સાંજના સથવારે,

દરિયા કિનારે સાંજના સથવારે,
સુર્યાસ્તની સાક્ષીએ.
તું હું મટીને આપણે બનીએ,
જીવનની એ ક્ષણ, ચિરસ્મરણિય હોય.
ભીની રેતમાં તારા પદચિહન સાથે,
વિલિન થતાં મારા પદચિહન હોય.
દરિયામાં ઉઠતા તરંગોની સાથે,
મનના તરંગનો સંયોગ હોય.
ઋજુ તારી હથેળીમાં,
હળવેથી અ સપર્શ હોય.
તારા કપોળ પરના પ્રસ્વેદબિંદુ,
તારા કેશની છુટી પડેલ લટ.
તારી પલકોનું ઢળવું,
હોઠો પર સજેલ મંદ હાસ્ય.
એ નજરથી નજરનો સંવાદ,
યાદોમાં કૈદએ દ્રશ્ય.
બસ તારી સંગ એવીજ સાંજ હોય.
“કાજલ” કહે એક નહિં અનેક હોય.

~ કિરણ પિયુષ શાહ ‘કાજલ’

Leave a Reply

This site uses Akismet to reduce spam. Learn how your comment data is processed.