Mittal-khetani-poetry-gazals-gujarati litrature
Gujarati

તારાં વિચારોની નસબંધી કરવી છે

જાત આખીની અકબંધી કરવી છે
તારાં વિચારોની નસબંધી કરવી છે

મારો મારી સાથે ચાલે છે જૂનો ડખ્ખો
મારે મારી જાત સાથે સંધી કરવી છે

જગમાં જોવાં જેવું રહ્યું છે ક્યાં કશું
આંખો ગાંધારી સમ અંધી કરવી છે

પારાં જેવી છો તું ક્યારેય નથી પકડાતી
હૈયાની કેદે તને હવે બંદી કરવી છે

ચાલુ છું એટલે સત્યનાં માર્ગે એકલો હું
અસત્યનાં માર્ગે મારે ના ગરદી કરવી છે

પાંચમની ચોથ કરવી જ છે મારે હવે
મોક્ષ પામવામાં થોડી જલ્દી કરવી છે

– મિત્તલ ખેતાણી

Leave a Reply

This site uses Akismet to reduce spam. Learn how your comment data is processed.