Gujarati

ઝાંઝવાના જળ

ઝાંઝવાના જળ સૂરજના તાપથી બળતા નથી
રણમા ફરનારા તરસની ઘાતથી ડરતા નથી

હાથમાં ખુદનોય પડછાયો નહી પકડી શકો
સાથ સાચો આપનારા સાથમાં ભળતા નથી

હોય છે ભીનાશની સમજણ હ્રદયમાં જેમનાં
મનના પુષ્પો પાનખરમાં પણ કદી ખરતા નથી

આંખ જેની બોલકી છે ત્યાં શબ્દને તકલીફ શું?
મૌનની ભાષા સમજનારા કદી લડતા નથી

સ્નેહના દરિયા હસીને પાર કરવાનાં અમે
સ્નેહ સાગર પાર કરનારા કદી ડુબતા નથી

શબ્દના ઘાટા સ્મરણથી કયાં જશું આગળ હવે?
યાદના પગલા કદી પાછા પગે હટતા નથી

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.