Gujarati

જોઇ લે તું વરસાદ

જોઇ લે તું વરસાદ મારી આંખમાં
ભીજાંઇ તારી યાદ મારી આંખમાં

ખાલી કર્યો છે મેય હૈયા ભાર આજ
તેથી છે આ અવસાદ મારી આંખમાં

સાબુત છે મારી ડાયરીમાં મ્હેક આજ
ખૂશ્બૂનો છે સંવાદ મારી આંખમાં

અજવાશ તારો સાચવ્યો સપનામાં મે
અંધારૂં છે આબાદ મારી આંખમાં

કાગળ ઉપર બહુ ચીતરી છે લાગણી;
શબ્દોની છે તું દાદ મારી આંખમાં

તું જ્યારથી બોલે ગઝલ જેવું કશું
ટહુકાની છે તાદાદ મારી આંખમાં

~ રેખા પટેલ ‘વિનોદિની’
ગાગાલગા-ગાગાલગા-ગાગાલગા

Leave a Reply

This site uses Akismet to reduce spam. Learn how your comment data is processed.