Gujarati

જાત સમેટી અવસર ઉજ્વું

જાત સમેટી અવસર ઉજ્વું,
ચાદર માટે શું કરગરવું ?!

ડૂબવા કરતાં તરવું અઘરું,
પ્યાસ ટકાવી પાર ઊતરવું.

આમ સફર આસાન કરી મેં,
ઢાળ-વળાંકે, ઢળવું-વળવું.

વાત ગળે ઉતરી જાશે પણ,
હોય જરૂરી ટાણું કળવું.

અજવાળાંની આશા છે તો-
જલવા કરતાં બહેતર ઠરવું.

છોડ ગણિત ને પાઠ ભણી લે,
શાખ ને કાજે મૂળથી વધવું.

મ્હોરાંને ઝળહળતું રાખી,
સ્હેલું ક્યાં છે ખુદ્દને મળવું !

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.