Mittal Khetani - Poet's Corner - Gujarati & Hindi - Sarjak.org
Gujarati Poet's Corner

જન્મોજન્મની ચૂંદડીને ખેસ જોઈએ છે

સંબંધોમાંય હવે સ્પેઇસ જોઈએ છે
બધાંને મલ્ટીપલ ચોઇસ જોઈએ છે

પહેરીને ફેંકી પણ શકાય અનુકૂળતાએ
આત્માને એવો ફેન્સી ડ્રેસ જોઈએ છે

આમ જુઓ તો છે બધાં જ કલાકાર
રંગભૂમીએ બદલતો વેશ જોઈએ છે

ટેક્સ તો આપી દીધો છે જાતને વેચીને
પ્રેમને હજું એમાંય સેસ જોઈએ છે

પ્રીત, પીયું, પાનેતર, વફા હવે થઇ હંગામી
જન્મોજન્મની ચૂંદડીને ખેસ જોઈએ છે

અહલ્યા, શબરી, સુદામાની માઠી કળિયુગે
સત્ય, પ્રેમ, કરુણાને લોભ, દ્વેષ જોઈએ છે

~ મિત્તલ ખેતાણી

Leave a Reply

This site uses Akismet to reduce spam. Learn how your comment data is processed.