Gujarati

છીપ મોતીની કણસ

છીપ મોતીની કણસ મેં સાચવી છે
બંધ મુઠ્ઠીમાં જણસ મેં સાચવી છે

ઝાંઝવા દોડ્યા હતા મીટાવવા પણ
સાત દરિયાની તરસ મેં સાચવી છે

ફૂલ, કુંપળ, પાંદડા તે સાચવ્યા ને
પાનખર વરસોવરસ મેં સાચવી છે

લાલ-પીળા રંગ ઘોળીને નજરમાં
સાંજની પીડા સરસ મેં સાચવી છે

આ કલમ, કાગળ અને એકાંત જેવી
બસ, અમાનત આઠ-દસ મેં સાચવી છે

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.