Gujarati

કોઈ છે ‘ ની લાગણી થઈ

કોઈ છે ‘ ની લાગણી થઈ !
ભીતરે થી રોશની થઈ !

આ સમયની શારડી થી,
કેટલી ક્ષણ વાંસળી થઈ !

પત્ર લખવા આંખ બેઠી,
ને, અષાઢી વાદળી થઈ !

પંખી આવ્યું લઈ તણખલું,
તો, ટહુકતી ડાળખી થઈ !

ભાવિ મારું મેં લખ્યું છે,
હસ્તરેખા પાંગળી થઈ !

ઝાંઝવા સમ છે અરીસા,
રોજ એવી ખાતરી થઈ !

આ ગઝલ સંજીવની છે,
જાત એમાં જીવતી થઈ !

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.