Gujarati

કાલનું આજે ગણ્યું

કાલનું આજે ગણ્યું, નોખું ગણિત. . !
કર્મ વાવીને લણ્યું, નોખું ગણિત. . !

ભૂલવાનું કેમ, ક્યાં ને કેટલું ?
ભાત પાડીને વણ્યું, નોખું ગણિત. . !

તર્ક ને સંદર્ભના પાયા ઉપર,
સંગ-સોબતનું ચણ્યું, નોખું ગણિત. . !

ભાગ્યની ભૂગોળ ને ઈતિહાસથી,
મેં સમય સાથે ભણ્યું, નોખું ગણિત. . !

એકલી પીડાને ખાલીપો મળ્યો,
તો ગઝલમાં રણઝણ્યું, નોખું ગણિત. . !

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.