Gujarati

એની રીતે દિશા બતાવે છે

એની રીતે દિશા બતાવે છે.
જિંદગી એવા મોડ લાવે છે.

દાવ પોતાનો આપવા માટે,
સાંજ ખુદને જરા સજાવે છે.

વાત પણ થઇ ને મૌન પણ રાખ્યું,
શર્ત કેવી ગઝલ નિભાવે છે.

એક ડાળીએ કાન ફૂંક્યો કે –
પાનખર કે વસંત ફાવે છે.

વાત એમ જ શું થાય છે એની ?
હોય હૈયે તે હોઠે આવે છે.

તું હકીકત કે સ્વપ્ન જોઈ જો,
પાઠ બેઉ સરસ ભણાવે છે.

આ સમય પર મને ભરોસો છે,
એ સમયસર બધું ચૂકાવે છે.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.